Breiz war-raog

Eun afer a galon hag a efedusted eo ar politikerez evidon. Pa oan yaouank, ne ouien ket e vijen deuet da veza mêr Landerne. En va bleud e vezan o sevel traou nevez hag oh êsaad buhez an dud. Ar pouez a lakom da skwer war al lojamañchou sosial hag en em gavet om da ouspenn 16 % : n'eus ket kemend-all e peb leh ! Landerne n'eo ket eur gêr pinvidig, med fichet brao eo bet. Gand ar c'hoant da lakaad an traou da jeñch ha da stourm evid ar justis, ne hellan beza nemed euz an tu kleiz. Me 'zo en va êz er PS. Rag ar PS a zo ken breizad ha forz piou. Kudennou Breiz a zo kudennou an oll Vretoned. Red eo digreizenna beteg penn. Dibabet am-eus labourad war dachenn ar yez. Rag ar brezoneg eo va bro din-me ivez. Evid ar wech kenta, ez eus bet kinniget eur gwir politikerez evid ar yez : n'eus bet nemedom oh ober ! Voti war eur plañ e-neus greet Kuzul ar Rannvro. Felled a ra deom ober gand eur brezoneg pobl, a vo ar muia posubl a dud o komz anezañ. Ar pez a zo frealzuz eo gweled pegement a ijin a zo. Ar politkerez-yez a ro fiziañs d'an dud, ha dreist-oll d'ar re yaouank. Yann-Ber Thomin "Politikerez" a zo eun dastumadenn nevez a leoriou, evid ma hello ar bolitikerien euz kement tu, hag a zo brezonegerien anezo, displega o zoñj. Pe emaint e karg, pe emaint o klask beza. Evid ma hello ive forz piou ober e zoñj : rag voti a reer meur a wech e 2007 hag e 2008…