Info: Votre navigateur n'accepte pas les cookies. Pour mettre les produits dans votre panier d'achat et les acheter, vous devez activer les cookies.
Alhwez louzeier bleuñveg BreizMa beaj Jersey
 
|
Brud Nevez 264 - barhonegeu |
|||||||||||
| Heulin Antony |
||||||||||||
| 7,00 € | Poser une question sur ce produit | |||||||||||
Eun amzer 'zo bet, e veze embannet e brezoneg forzig leoriou barzonegou. Hirio eo romanchou. N'eus den evid skriva barzoniez ken, evel a ree Per Helias ha Youenn Gwernig, n'eus ket keid-se 'zo ? Eo. Bernez Tangi a ra. Hag eun toullad tud all, evel Fañch Peru. E Brud Nevez, on-eus ni embannet skridou diwar bluenn Jakez-Erwan Mouton ha Daniel Morvan. Ganeom eo bet moullet ive leoriou Youenn Brusk ha Naig Rozmor, na pa ve ken. Heb komz deuz re Jean-Paul Kermarrec (Sioulderiou maouez) ha Xavier Grall (Solo), hag a zo bet troet gand Naig ive (gand skoazell Bob Simon). Sed aze ha n'eo ket nebeud a dra. Ha setu ma kinnigom deoh ober anaoudegez gand Antony Heulin. Eur gwenedour a zo anezañ, hag a zo hirio o chom e Dresden, e bro-Alamagn. War e gont e-unan e-noa bet embannet eun dastumad kenta a varzonegou. Med n'e-noa ket moullet eur bern skwerennou, hag eun tamm 'zo ne oa ken deuz outo. Laouen om bet neuze p'e-neus kinniget deom adembann anezo, evid ma vefent lennet gand muioh a lennerien. Setu amañ eta e d/Tuleou-dour. E yez Gwened e skriv Antony Heulin : n'eus ket tra-walh oh ober. Evel ar varzed a hirio e skriv ive. Arabad deoh eta beza en gortoz kaoud eul lizerenn-vraz war-lerh eur pik, na virgulennou partoud. Na poziou mentet ha rimet evel a veze gwechall. Ar varzoniez n'eo ket se ken, pell ahane, hag eüruzamant. Komz a ra Antony Heulin deuz ar bed a-hirio, deuz ar skeudennou a wel : "adtapet om ged er hoant da selaou son en avel". Deuz ar skorngrehenn o teuzi. Deuz loenedigou "ne welant ket pelloh evid penn o darz". Deuz karantez etre paotr ha plah, deuz e vicher tad, deuz toud ar pez e-nevez an nen d'ober a-hed an deiz… Mankoud a ra dezañ, emezañ, "morieu-tud joiauz ha dioad… morieu-tud o zreid gleb un enderviad en Naoned…". Eun dra all a ziskuill deom A. Heulin : "ur sekred o-des ar varhed". Ne ouieh ket ? Neb a lenno a zesko. |
||||||||||||
|
||||||||||||
Vous pourriez être également interressé(e) par un de ces produits |
||||||||||||
