Kenderhel a ra Emgleo Breiz da labourad dizehan, war-du ar memez pal hag er penn kenta evid brud ar yez hag al lennegez vrezoneg.
Labourad a ra war an tachennou-mañ : an embann ; ar vuhez sevenadurel ; ar helenn ; ar helaouennoou ; an darempredi hag ar bruda.
Eur gen-gevredigez eo Emgleo Breiz, a zo enni meur a gevredigez all pe rannou hag a labour pep hini war e dachenn :
- "Ar Skol Vrezoneg" : an embann, an enklaskou, ar henteliou brezoneg…
- "Al Leur Nevez" : ar sevenadur-pobl hag ar yez
- "Ar skol dre lizer" : ar henteliou brezoneg dre lizer.
- "Brud Nevez" : ar gelaouenn vrezoneg daouvizieg, e brezoneg penn-da-benn.
- "Le Liogan" : embann oberennou lennegel a denn da Vreiz, e galleg.
E-barz bureo Emgleo Breiz ema hirio :
- Prezidant : Fañch Broudic
- Eil-prezidanted : Mari Kermareg, ha Loeiz Grall
- Sekretour : Fañch Colcanap
- teñzorer : Jakez André
Mond en-dro Emgleo Breiz
Evel m’eo dleet, ez a Emgleo Breiz en-dro a-drugarez d’al labour a ra a youl vad e izili hag ar re a zo en e benn.
Tri a dud a vez gopret evid labourad evid Emgleo Breiz, pez a ra talvoudegez 2,5 amzer-leun : diou skoazellerez evid an embann, leun-amzer, hag eur gontourez hanter-amzer.
Bureoiou nevez
Abaoe an hañv 2009, eo dilojet Emgleo Breiz en eul leh a zo gwelloh plaset e kreiz-kêr Brest : ema 4 ru Yves Collet, en eurn hraoz-hent, tost euz an ti-gar, pas gwall-bell deuz plasenn al Liberte na deuz ar skol-veur Victor Ségalen. Gwelet mad e vez hag êz eo da gavoud, koulz evid ar re a zo war o zreid pe en gwetur hag evid ar re a deu gand ar bus. Ne vo ket pell deuz an tram nevez kennebeud.
Emgleo Breiz er mediaou
Er hazetennou, er radio ha war an tele, e weler hag e klever ano deuz Emgleo Breiz aliez, pez zo eun dra vad evid brud ar yez ha skeudenn ar brezoneg.
Pennadou a lenner war ar hazetennou pemdezieg ha sizunieg koulz ha war a beb seurt kelaouennou all. Pennadou-kaoz a glever en abadennou radio. Kelaouadennou a heller gweled war France 3 pe e-kerz ar Webnoz. Aliez a-walh e vez pedet ar skrivagnerien koulz hag ar re a zo e karg euz Emgleo Breiz ha Brud Nevez da respont da houlennou ar gazetennerien hag an animatourien.
Ar vuhez sevenadurel
- Café-livres (kafe-leoriou)
Abaoe 2008 e vez aozet gand ar gevredigez, beb miz e Brest, eun emgav "café-livres", diwar eun tem sevenadurel, lennegel pe skiantel, en eul leh plijuz, gand eun den pedet.
- Sine-klub
Memez spered zo gand ar sine-klub, bet roet lañs dezañ en distro-skol 2009. Ar pal eo diskouez (en-dro) filmou faltazi pe teulfilmou e brezoneg, (ad)dizolei eur realizatour, hag eun tem.
Ar film kenta eo bet "Chanson d'Armor" gand Jean Epstein, eur film nebeud anavezet, a voe koulskoude ar henta hini gand brezoneg kenetre an tudennou. Produet e oa bet e 1934 gand ar gazetenn "Ouest-Éclair", ha konta a ra eun istor karantez e Breiz a-raog ar brezel.
Kelenn
Daou zoare kenteliou zo :
Kenteliou war-eeun, aozet gand Emgleo Breiz. (Kenteliou brezoneg)
E-pad ar bloavez-skol, pevar live.
Gand leoriou-deski bet renevezet e vez greet ar henteliou.
Ar gentel dre lizer gand Ar Skol dre Lizer : dre lizer, pe dre e-mail, e vez eskemmet ar henteliou etre ar helenner hag an deskarded. (Kenteliou brezoneg)
